Fəxriyar Cabbarov, Baş İcraçı Direktor

Özəl və dövlət sektorlarında, eləcə də beynəlxalq maliyyə institutlarında uğurlu idarəetmə təcrübəsinə malik peşəkardır.

2000-ci ildə Bakı Dövlət Universitetində Beynəlxalq Hüquq üzrə bakalavr dərəcəsini, 2003-cü ildə York Universitetində Dövlət İdarəçiliyi üzrə Magistr dərəcəsini alıb. Bundan əlavə, 2014-cü ildə London Biznes Məktəbində Strateji İdarəetmə təhsilini uğurla bitirib.

2001-2024-cü illərdə Fəxriyar Cabbarov dövlət qurumlarında və özəl sektorda aparıcı vəzifələrdə çalışıb. O, müxtəlif dövrlərdə Dünya Bankında Özəl Sektorun İnkişafı üzrə Müşavir, Synergy Group ASC-nin İdarə Heyətinin Sədrinin Birinci Müavini, daha sonra Maliyyə Bazarlarına Nəzarət Palatasında və Azərbaycan Respublikasının İqtisadiyyat Nazirliyində rəhbər vəzifələrdə çalışıb.

Yunis Məmmədli, Baş Maliyyə İnzibatçısı

10 ildən artıq peşəkar təcrübəyə malik olan Yunis Məmmədli, bankçılıq, maliyyə və audit sahələri üzrə çalışmışdır.

2012-ci ildə Azərbaycan Dövlət İqtisad Universitetində Maliyyə ixtisası üzrə bakalavr, 2015-ci ildə isə Maliyyə Nəzarəti və Audit ixtisası üzrə magistr dərəcəsini almışdır.

Təhsilin davamı olaraq 2017-ci ildə ACCA (the Association of Chartered Certified Accountants) sertifikasiyası üzrə bütün mərhələləri bitirərək üzvlük almışdır. 2018-ci ildə Daxili Auditorlar İnstitutunun CIA (Certified Internal Auditor), 2019-cu ildə isə Association of Certified Fraud Examiners qurumunun CFE (Certified Fraud Examiner) sertifikatlarını əldə etmişdir.

Peşəkar fəaliyyətinə 2013-cü ildə başlayıb və müxtəlif illərdə Pasha Life, Neqsol Holdinq və diqər şirkətlərdə aparıcı vəzifələri icra edib.

Fərid Şirinov, Baş Kommersiya İnzibatçısı

20 ildən artıq peşəkar təcrübəyə malik olan Fərid Şirinov pərakəndə satış və FMCG sahələrdə fəaliyyət göstərmişdir.

2000-ci ildə Azərbaycan Dövlət Neft Akademiyasında Biznesin təşkili və idarə edilməsi üzrə bakalavr dərəcəsini, ardınca 2002-cü Magistr dərəcəsini alıb.

Peşəkar fəaliyyətinə 2002-ci ildə Moskva şəhərində “Moskva” Avto Satış Mərkəzində baş menecer kimi başlayıb. Daha sonra Atropatena şirkətində “DANONE”, “Schwarzkopf”, “Henkel”, “GlaxoSmithKline” və “Kimberly-Clark” brendləri üzrə brend menecer vəzifəsində çalışıb. 2012-2023-cü illərdə “Azeri Retail”, “Atropatena” (Rusiya), “Johnson&Johnson” və “Ulduz” Şokolad Fabriki kimi şirkətlərdə müxtəlif rəhbər vəzifələrdə fəaliyyət göstərmişdir.